CRONACA ORDINARIA

Cronaca di un viaggio venezia mestre !!!

Ieri pomeriggio dovevo recarmi alla feltrinelli a mestre quindi penso ...
... ciapo el 4 cussi smonto alla tersa fermata del corso del popolo fasso
via mestrina e passo proprio davanti a quea bea pasticeria giusto
per l'ora del cafè e de na fritoa.
Monto su sto 4 fermo al so posto in piasal roma e penso ma varda che fortuna
de soito sti pulman xe sempre strapieni e oggi go perfin l'imbarasso dea scelta de dove sentarme . Ciò! no eo gavesse mai dito come che monta l'autista sarà montà minimo 20 persone tutte su un colpo na sofegada che no te digo ma el beo doveva ancora venir El sera e porte e partimo !!! E prime quindese persone intorno de mi
i gera mesi romeni o so de là e mesi bangladesh o so de la .
CIO' segoa bate agio uno a zero no ghe ne podevo piu so fin smontà na fermata prima
che me sentivo fin mal Ma se mai permesso col pensiero che gavarò dito e peso paroe che conosso !!! Ben fata ea caminada riciapà el respiro e bevuo el cafè e magnada ea fritoa me gavaria anca ripreso !!! Naturalmente scopro anca de aver fato un viagio a vodo perchè queo che sercavo no o go trovà!!!! Vaben digo intanto gavarò fato un giro e pol el pèso xe passà me piasso sua fermada de ritorno e speto sempre sto famoso 4 El riva monto e digo ara che ben me fasso el viaggio sentà . E cussi fasso pensè me go scelto anca el posto !! Ciò a un dato momento me ciapa alla gola un profumo ma cussi forte e nauseante che me pulsava perfin e tempie Eh no ciò no xe possibile quà no se se pol piu mover in pase Me giro par veder come xe possibile un fato del genere e me vedo sta dona sentada da drio de mi col muso perfin trasognà Ghe gavaria sigà Che casso ti sogni co quel muso da ebete no ti vedi che ti me fa venir su persin ea fritoa che go magnà me fa persin mal el pulman che de soito tegno bota!! Naturalmente tutto questo no gheo go dito ma co l'ociada che ghe go dà so andà ben oltre !! E cussi me ga tocà alsarme andar tutta da staltra parte del pulman e farmea in pie!!!
Come che so smonta in piasal roma gavevo talmente bisogno de ciapr aria che so arivà a pie fin san saccaria sensa gnanca inacorserme !!!!!
Anca doman vado a mestre .. si si ga proprio da esser.... !!!