PROVE TECNICHE DI TRASMISSIONE

E manco mal che se gavemo ritrovà dopo quasi trent'ani, forsa ghe ne gavemo tanta, ma da provocar po' po' de fine setimana!!!!!! Neve, bufera, acqua alta, fredo boia.
Se ghe sontemo anca che so' diventa autore de blog aora tuto xe più ciaro.
Sì perchè questo xe el mio primo "POST" (dito in inglese perchè quà de italian no ghe xe quasi gnente - link- account - blogger, ecc...) e ve assicuro che sarà el primo de tanti; qualche volta spero de scriver qualcosa de bon altre volte spararò qualche cassada.
Comunque vedendo tute ste' foto e sti' video me rendo sempre più conto che semo veramente fighi e che ea nostra catena luminosa, per chi no gavesse leto el mio comento precedente, ea xe proprio forte e carica.
A proposito, ma come podevo firmarme nea bacheca? ma come RIGIGI naturalmente.
E desso che so' riva' anca mi ve spetto tutti.
Un grosso e caldo abbraccio.